chhoḌiye baaqi bhi kya rakkha hai un ke qahr men
jaan durveshon ko pyari hai hamare shahr men
dekhiye kya hashr hota hai hamara dahr men
shahryari ki tamanna aur tere shahr men
dekhne vaale ko saara hi samundar chahiye
sochne vaala samundar soch le ik lahr men
dekhiye tasir ḳhali zahr men hoti nahin
zindagi sukhi mila kar kha.iga zahr men
un se yuun tashbih deta huun ki vo bhi duur hain
varna kya milta hai tujh men aur maah o mahr men
tangi-e-hai.at se Takrata hua josh-e-mavad
sha.eri ka lutf aa jaata hai chhoTi bahr men
Leave a Reply