tiri chashm-e-tarab ko dekhna paḌta hai pur-nam bhi
mohabbat ḳhanda-e-be-bak bhi hai girya-e-gham bhi
thakan tere badan ki uzr koi DhunDh hi leti
hadis-e-mahfil-e-shab kah rahi hai zulf barham bhi
ba-qadr-e-dil yahan se shola-e-jan-saz milta hai
charagh-e-husn ki lau shoḳh bhi hai aur maddham bhi
miri tanha.iyon ki dil-kashi teri bala jaane
meri tanha.iyon se pyaar karta hai tira gham bhi
baharon ke ghazal-ḳhvan aaj ye mahsus karte hain
pas-e-divar-e-gul roti rahi hai chashm-e-shabnam bhi
qarib aate magar kuchh fasla bhi darmiyan rahta
kami ye rah ga.i hai bavajud-e-rabt-e-baham bhi
‘zahir’ un ko hamare dil ki har shoḳhi gavara thi
unhen karna paḌega ab hamare dil ka matam bhi
Leave a Reply