Murtaza Ali Shad
chhaTa ghubar to ankhon men bhar gaya paani
zara si der men sar se guzar gaya paani
na tha ḳhayal ki chhat bhi hai asman jaisi
taḌap rahe the ki jaane kidhar gaya paani
labon pe harf-e-dua raakh ho gaya lekin
dilon men zaḳhm ki surat utar gaya paani
ik e’tibar si divar-e-ab hai har-su
mire vajud ko zanjir kar gaya paani
vo bhiga jism vo pairahan-e-haya ki shafaq
phir ik gulab ko shadab kar gaya paani
Leave a Reply