Kuchh Is Qadar Hai Pareshan Nafas Nafas Mera

kuchh is qadar hai pareshāñ nafas nafas merā

maiñ zindagī ko ulaT duuñ chale jo bas merā

kahāñ kahāñ na gayā hāl-e-dil sunāne ko

banā na koī kahīñ phir bhī dād-ras merā

liye phiruñgā hamesha maiñ us kī ḳhākistar

rahegā saath mire jal ke bhī qafas merā

maiñ sochtā huuñ ma.āl-e-hayāt kyā hogā

bajā hai zabt-e-mohabbat meñ pesh-o-pas merā

kisī ke saath ‘munavār’ kiyā ho kuchh bhī sulūk

maiñ chāhtā huuñ ki gaa.e na ka.ī jas merā

Leave a Comment