Siraj Aurangabadi
ai bagh-e-haya dil ki girah khol sukhan bol
tangi hai mire haal par ai ghuncha-dahan bol
ai aah suna us kuun mire haal ki arzi
tujh zulf ke pechon ne diya mujh kuun shikan bol
muddat sati parvana tuun hamdard mira hai
us shama sen teri jo lagi aaj lagan bol
aati hai tujhe dekh ke gul-ru ki gali yaad
ai bulbul-e-betab mujhe apna vatan bol
khamosh na ho soz-e-‘siraj’ aaj ki shab puchh
bhadki hai mire dil men tire gham ki agan bol
Leave a Reply