Chhanw Mil Jae To Kam Dam Mein Bik Jati Hai

chhanv mil jaae to kam daam men bik jaati hai

ab thakan thode se aram men bik jaati hai

aap kya mujh ko navazenge janab-e-ali

saltanat tak mire inaam men bik jaati hai

sher jaisa bhi ho is shahr men padh sakte ho

chaae jaisi bhi ho asam men bik jaati hai

vo siyasat ka ilaqa hai udhar mat jaana

aabru kucha-e-bad-nam men bik jaati hai

Leave a Comment