Chhanw Ki Shakl Dhup Ki Rangat Badal Gai

Poet

chhanv ki shakl dhuup ki rangat badal ga.i

ab ke vo lu chali hai ki surat badal ga.i

hansna hansana apna mashini amal hua

badli hava-e-shahr to aadat badal ga.i

achchha sa suiT jism par apne saja ke vo

ḳhush hai ki jaise ghar ki bhi halat badal ga.i

sar ko chhupaya paanv bhi khulne nahin diya

ḳhvahish baḌhi to apni zarurat badal ga.i

nazzara-e-nigah hai ye jalta-bujhta din

kuchh gham nahin jo raat ki davat badal ga.i

ab guftugu men beach se gha.eb hai aadmi

ham tak to aate aate rivayat badal ga.i