Poet
chehron pe ḳhamushi ki lau ruuh se ham-kalam hain
ya.ani jo gharq-e-ishq hain un ko mire salam hain
ḳhalvat-e-dil tire liye a.ungi jald lauT ke
milne ko aa.e mehman ghar ke do chaar kaam hain
kaise hain mere aqraba kaisi huun main pata nahin
baten hain ḳhud se raat din bhule tamam naam hain
roz-e-azal se hain juda aql-o-junun ke raste
ya.ani tire ḳhayal men donon ke ek daam hain
ishq ki avvalin shart hai kucha-e-yar se nikal
hosh se be-niyaz ho bhuul ja sub.h-o-sham hain
kar-e-firaq-o-hijr to ujlat ka kaam hi nahin
lamhe tire ḳhayal ke tujh se bhi tez-gam hain
Leave a Reply