Chashm O Lab Kaise Hon Rukhsar Hon Kaise Tere

chashm o lab kaise hon rukhsar hon kaise tere

ham khayalon men banate rahe naqshe tere

tere savant ko suuli ki zaban chaat gai

jism abhi garm tha aur baal the giile tere

kya kahun kya tire afsurda dilon par guzri

kaise taraj hue aina-khane tere

ab kahan dekhne valon ko yaqin aaega

bagh-e-jannat tha badan khvab the bose tere

More Poems

Leave a Comment