ashk piine ke liye ḳhaak uḌane ke liye
ab mire paas ḳhazana hai luTane ke liye
aisi daf.a na laga jis men zamanat mil jaa.e
mere kirdar ko chun apne nishane ke liye
kin zaminon pe utaroge ab imdad ka qahr
kaun sa shahr ujaḌoge basane ke liye
main ne hathon se bujha.i hai dahakti hui aag
apne bachche ke khilaune ko bachane ke liye
ho ga.i hai miri ujḌi hui duniya abad
main use DhunDh raha huun ye batane ke liye
nafraten bechne valon ki bhi majburi hai
maal to chahiye dukan chalane ke liye
ji to kahta hai ki bistar se na utrun ka.i roz
ghar men saman to ho baiTh ke khane ke liye
Leave a Reply