Naeem Zarrar Ahmad
chashm-o-dil sahab-e-guftar hue jaate hain
raste aql ko dushvar hue jaate hain
hijr-e-derina se ab ḳhush the bahut main aur vo
ab magar fasle bezar hue jaate hain
vo nigahen hain mughanni ki thirakti poren
saaz so.e hue bedar hue jaate hain
sher-goi tira mansab to nahin tifl-e-suḳhan
haan magar hijr men do chaar hue jaate hain
nisbat-e-abjad-e-kirdar na thi jin ko ‘na.im’
sahab-e-azmat-e-kirdar hue jaate hain
Leave a Reply