Chashm-E-KHunbar Mein Kyun laKHt-E-Jigar Jama Karen

Poet

chashm-e-ḳhunbar men kyuun laḳht-e-jigar jama.a karen

ghuncha-e-gul ki tarah ka hai ko zar jama.a karen

qatl ke ba.ad hua hukm ki lashen uTh jaa.en

qaid-e-tafriq se maqtulon ke sar jama.a karen

yaar ne ḳhatt-o-kabutar ke kiye hain TukḌe

purze kaghaz ke karen jama.a ki par jama.a karen

fikr men gesu-o-ruḳhsar ke dil ki ḳhatir

shaam hoti hai pareshan jo sahar jama.a karen

ham rahe dahr men jab tak tu rahe pa-ba-rikab

par na ye ho saka asbab-e-safar jama.a karen

donon aalam se na kyuun band vo ankhen rakkhen

tere nazzare ke ḳhatir jo nazar jama.a karen

yak qalam panj sad-o-char hon divan men ghazal

ham kalam apna ‘vaqar’ aaj agar jama.a karen