Mirza Ghalib
chashm-e-khuban khamushi men bhi nava-pardaz hai
surma to kahve ki dud-e-shola-e-avaz hai
paikar-e-ushshaq saz-e-tala-e-na-saz hai
naala goya gardish-e-saiyyara ki avaz hai
dast-gah-e-dida-e-khun-bar-e-majnun dekhna
yak-bayaban jalva-e-gul farsh-e-pa-andaz hai
chashm-e-khuban mai-farosh-e-nashshah-zar-e-naz hai
surma goya mauj-e-dud-e-shola-e-avaz hai
hai sarir-e-khama rezish-ha-e-istiqbal-e-naz
naama khud paigham ko bal-o-par-e-parvaz hai
sar-navisht-e-iztirab-anjami-e-ulfat na puchh
nal-e-khama khar-khar-e-khatir-e-aghaz hai
shokhi-e-izhar ghair-az-vahshat-e-majnun nahin
laila-e-mani ‘asad’ mahmil-nashin-e-raz hai
Leave a Reply