chashm be-khvab hui shahr ki virani se
dil utarta hi nahin takht-e-sulaimani se
pahle to raat hi kaate se nahin katti thi
aur ab din bhi guzarta nahin asani se
ham ne ik dusre ke aks ko jab qatl kiya
aina dekh raha tha hamen hairani se
ab ke hai lab-e-ab hi mar jaenge
pyaas aisi hai ki bujhti hi nahin paani se
aankh pahchanti hai lutne valon ko magar
kaun puchhega miri be-sar-o-samani se
yunhi dushman nahin dar aaya mire angan men
dhuup ko raah mili ped ki uryani se
koi bhi chiiz salamat na rahe ghar men ‘salim’
faeda kya hai bhala aisi nigahbani se
Leave a Reply