Poet
halat to dekh li miri chashm-e-pur-ab ki
saaqi nahin havas mujhe jam-e-sharab ki
dil ko sharar-e-shola-e-gham ne jala diya
pahlu se aa rahi hai jo khushbu kabab ki
kis ki shamim ne use aisa basa diya
aati hai apni khaak se khushbu gulab ki
afsana-e-guzishta ye kahta hai mujh se dil
kya zikr un ka bhuliye baten hain khvab ki
is bargah-e-ahmad-e-mursal ke samne
vaqat nahin hai kuchh bhi falak se habab ki
az-farsh ta-ba-arsh munavvar usi se hai
aisi chamak hai rauza-e-ali-janab ki
kyunkar na huun main naghma-sara un ki naat men
bulbul huun bostan-e-risalat-maab ki
is dahr-e-be-baqa se lagaun main dil ko kya
hasti hai ek vusat-e-mauj-e-sarab ki
izzat na tere arsh pe kyuun kar malak karen
tu hai ‘jamila’ khak-e-qadam bu-turab ki
Leave a Reply