Shahida Majeed
charagh-e-sham tha din bhar bujha raha koi
ghurub shams ke hote hi jal gaya koi
bayan kar nahin sakta kabhi mahasin-e-ishq
koi radif ghazal men na qafiya koi
rafaqaton men ajab tarz-e-ajnabiyyat tha
ki saath rah ki bhi ham se raha juda koi
ye rang dard ke aate nahin suḳhan men yunhi
nihal-e-dil pe mire zaḳhm hai khula koi
mire safar men miri ham-safar hai tanha.i
ki do qadam na mire saath chal saka koi
na ain par hi ruki shiin pe na qaaf pe hi
tumhari yaad ki manzil na intiha koi
Leave a Reply