Ayub Khawar
charagh-e-qurb ki lau se pighal gaya vo bhi
azab-e-hijr se main kyaa, nikal gaya vo bhi
rida-e-abr-e-jamal-e-hijab kya sarki
ki ang ang sitaron men Dhal gaya vo bhi
dayar-e-ḳhvab men ik shaḳhs ham-qadam tha magar
paḌa jo vaqt to rasta badal gaya vo bhi
ye us ki yaad ka e.ajaz tha ki ab ke baras
jo vaqt ham pe kaḌa tha so Tal gaya vo bhi
ajab tilism-e-numu tha vafa ki miTTi men
hava-e-hijr chali, phuul phal gaya vo bhi
Leave a Reply