Poet
charagh-e-anjuman ko ye ḳhabar kya
ki manzil kya hai aur rasm-e-safar kya
safar men fikr-e-rahat is qadar kya
saja.e hain ye tum ne bam-o-dar kya
nahin gardish men ab shams-o-qamar kya
na badlenge mire sham-o-sahar kya
ḳhulus-e-ijz hai ik shart-e-sajda
kisi ka naqsh-e-pa kya sang-e-dar kya
mashiyyat kar-farma-e-do-alam
to phir ye nek bad kya ḳhair-o-shar kya
baḌhi hai vaqt ki raftar kaisi
hui hai zindagani muḳhtasar kya
ada-e-shukr bhi lazim hai ‘at.har’
rahega shikva-bar-lab umr bhar kya
Leave a Reply