kyuun ujaḌ jaati hai dil ki mahfil
ye diya kaun bujha deta hai
vo nahin dekhte sahil ki taraf
jin ko tufan sada deta hai
shor din ko nahin sone deta
shab ko sannaTa jaga deta hai
tum to kahte the ki rut ka jaadu
dasht men phuul khila deta hai
us ki marzi hai vo har rahat men
ranj thoḌa sa mila deta hai
dukh to deta hai tira gham lekin
dil ko iksir bana deta hai
tujh se pahle dil-e-betab mujhe
teri aamad ka pata deta hai
jan-e-man ek hasin chehra bhi
saari mahfil ko saja deta hai
ab tasalli bhi aziyyat hai mujhe
ab dilasa bhi rula deta hai
kyuun ujaḌ jaati hai dil ki mahfil
ye diya kaun bujha deta hai
vo nahin dekhte sahil ki taraf
jin ko tufan sada deta hai
shor din ko nahin sone deta
shab ko sannaTa jaga deta hai
tum to kahte the ki rut ka jaadu
dasht men phuul khila deta hai
us ki marzi hai vo har rahat men
ranj thoḌa sa mila deta hai
dukh to deta hai tira gham lekin
dil ko iksir bana deta hai
tujh se pahle dil-e-betab mujhe
teri aamad ka pata deta hai
jan-e-man ek hasin chehra bhi
saari mahfil ko saja deta hai
ab tasalli bhi aziyyat hai mujhe
ab dilasa bhi rula deta hai
Leave a Reply