Shahron Mein Nachta Hua Jangal Hai Aur Main

shahroñ meñ nāchtā huā jañgal hai aur maiñ

sadiyoñ ke baad bhī vahī qātil hai aur maiñ

paañv kī gard ho chukīñ kitnī masāfateñ

ab bhī magar vo dūrī-e-manzil hai aur maiñ

samjhūñ ab aur kyā tujhe kāfir-adā nizām

barsoñ se ek vāda-e-bātil hai aur maiñ

pūchho pasand to hai vahī chashm-e-nīm-bāz

vaise har ek gaam pe maqtal hai aur maiñ

Leave a Comment