chandni ke haath bhi jab ho gae shal raat ko
apne siine par sambhala main ne bojhal raat ko
raat bhar chhaya raha ghar ki faza par ik hiras
dastaken deta tha dar par koi pagal raat ko
chandni men ghul gaya jab dil ki mayusi ka zahr
main ne ḳhud kafna diya sayon men komal raat ko
karb ke laave ubalte the sukun ke as-pas
uf vo ninden vo giran-ḳhvabi ki daldal raat ko
aaj phir dhundla gai ‘aḳhtar’ miri sham-e-firaq
sochta huun aaj phir barsenge badal raat ko
Leave a Reply