Chand Us Raat Bhi Nikla Tha Magar Us Ka Wajud

chand us raat bhi nikla tha magar us ka vajud

itna ḳhun-rang tha jaise kisi maasum ki laash

taare us raat bhi chamke the magar is Dhab se

jaise kat jaae koi jism-e-hasin qash-ba-qash

itni bechain thi us raat mahak phulon ki

jaise maan jis ko ho khoe hue bachche ki talash

ped chiḳh uthte the amvaj-e-hava ki zad men

nok-e-shamshir ki manind thi jhonkon ki talash

Leave a Comment