chand tinke the jo ‘anjum’ ashiyane ke liye
barq un ko bhi chali aa.i jalane ke liye
arzuen hasraten va.ada o paiman-e-vafa
surḳhiyan kitni mili hain ik fasane ke liye
umr-bhar rote rahe ashkon se daman tar raha
umr-bhar tarsa kiye ham muskurane ke liye
kuchh to karna hi paḌega ai hayat-e-musta.ar
karobar-e-zindagi ‘anjum’ chalane ke liye
sher-goi ki mayassar hai faraghat ab kise
dam-e-duniya men phanse ham ab-o-dane ke liye
Leave a Reply