Poet
chand tanha hai kahkashan tanha
hijr ki raat asman tanha
bhagti rail shor sannaTa
rah ga.i be-sada zaban tanha
rang aur nuur se rahe mahrum
ham faqiron ke astan tanha
kaisi nafrat ki aag phaili hai
jal raha hai mira makan tanha
andhiyan bijliyan shajar kamzor
bach na pa.ega ashiyan tanha
thak ke sab so ga.e hain mahfil men
ḳhud hi sunta huun dastan tanha
koi jaadu na rahbar koi
ab kahan jaa.e karvan tanha
paas gar tu nahin to kya gham hai
saath apne hai ik jahan tanha
Leave a Reply