Chand Is Ghar Ke Darichon Ke Barabar Aaya

chand us ghar ke darichon ke barabar aaya

dil-e-mushtaq thahar ja vahi manzar aaya

main bahut khush tha kadi dhuup ke sannate men

kyuun tiri yaad ka badal mire sar par aaya

bujh gai raunaq-e-parvana to mahfil chamki

so gae ahl-e-tamanna to sitamgar aaya

yaar sab jama hue raat ki khamoshi men

koi ro kar to koi baal bana kar aaya

More Poems

Leave a Comment