KHud Ko Inam Ke Pa Lene Ka Dhoka De Kar

ḳhud ko in.aam ke pā lene kā dhokā de kar

Dākiya chehre ko paḌhtā hai lifāfa de kar

rail har samt se roz aa ke guzar jaatī hai

shahr ko mere ka.ī rang kā chehra de kar

kis ne bachchoñ kī tarah taalī bajā.ī hogī

kis ko ḳhush us ne kiyā hai mujhe duniyā de kar

ḳhizr hone kā jo da.avā hai to sīdhā kar do

kisī girtī huī dīvār ko kāñdhā de kar

log ḳhush haiñ ki fazā meñ nazar aa.egā jahāz

haath meñ bachche ke kāġhaz kā parinda de kar

Leave a Comment