ḳhud ko in.aam ke pa lene ka dhoka de kar
Dakiya chehre ko paḌhta hai lifafa de kar
rail har samt se roz aa ke guzar jaati hai
shahr ko mere ka.i rang ka chehra de kar
kis ne bachchon ki tarah taali baja.i hogi
kis ko ḳhush us ne kiya hai mujhe duniya de kar
ḳhizr hone ka jo da.ava hai to sidha kar do
kisi girti hui divar ko kandha de kar
log ḳhush hain ki faza men nazar aa.ega jahaz
haath men bachche ke kaghaz ka parinda de kar
Leave a Reply