Palkon Pe Yahi KHwab Sajaya Hai Ki Tum Ho

palkoñ pe yahī ḳhvāb sajāyā hai ki tum ho

ye sāmne mere koī tum sā hai ki tum ho

dastak sī huī jab bhī to darvāze ko maiñ ne

har baar yahī soch ke kholā hai ki tum ho

raunaq meñ achānak jo izāfa sā huā hai

āñgan meñ mire chāñd kā haala hai ki tum ho

hai talḳh haqīqat ki mujhe chhoḌ ga.e ho

ehsās magar ab bhī ye hotā hai ki tum ho

bedār the jab tak to muḳhātib the tumhīñ se

jab aañkh lagī ḳhvāb meñ dekhā hai ki tum ho

tum ruuh meñ utre ho pata ye nahīñ phir bhī

aamad kā har ik sher batātā hai ki tum ho

Leave a Comment