Hatim Ali Mehr
chain pahlu men use subh nahin shaam nahin
ek dam bhi dil-e-bimar ko aram nahin
rukh par nuur nahin zulf-e-siyah-fam nahin
vo zamana nahin vo subh nahin shaam nahin
shahron shahron miri rusvai ka shohra pahuncha
mujh sa duniya men koi ashiq-e-bad-nam nahin
chand hi taron ki jhurmut men zara dekh ai dil
gon men shokh-e-nasara ki ye bu-tam nahin
vaizon jaae jahannam men faza-e-jannat
khaar hain gul meri nazron men jo gulfam nahin
naale karta huun kabhi ya kabhi tadbir-e-visal
aur to hijr ki shab men mujhe kuchh kaam nahin
fasl-e-gul aai to kya be-sar-o-saman hain ham
shisha-o-jam nahin saqi-e-gul-fam nahin
dil gaya diin gaya jaan gai ulfat men
aur aghaz hi dekha abhi anjam nahin
bose do tiin to le lene di mujh ko lillah
kaam ke vaqt na kar o but khud kaam nahin
lakhlakha ki evaz us zulf ki bu sughunga
hai tap-e-ishq men sauda mujhe sarsam nahin
nazaa men dekh ke jiita huun tire kothe ko
lab-e-isa hai ye ai jaan lab-e-bam nahin
‘mehr’ be-lutf hai bazm-e-shoara be-maashuq
bulbulen chahchahe men hain koi gulfam nahin
Leave a Reply