Hai Jhalak usMein Istiare Ki

hai jhalak us meñ isti.āre kī

shakl pahchāniye sitāre kī

naam aatā hai baar baar mirā

baat chaltī hai jab ḳhasāre kī

saath sūraj ke Duub jaatā hai

haa.e re bebasī nazāre kī

kitnī baisākhiyāñ thiiñ mere liye

jab zarūrat na thī sahāre kī

ab huā merā sar judā tan se

ik zarā der thī ishāre kī

kyā ye mumkin nahīñ ki tūfāñ meñ

baat chaltī rahe kināre kī

‘shān’ ab raah dekhī jaatī hai

rang ke har na.e shumāre kī

Leave a Comment