Poet
chain paḌta nahin hai sone men
suiyan to nahin bichhaune men
chehra ashkon se yuun bhigone men
kya sukun mil raha hai rone men
ik nazar ka saval hota hai
iḳhtilafat ḳhatm hone men
aap ishrat-pasand kya janen
vo jo lazzat hai zaḳhm dhone men
kaun paude sadaqaton ke laga.e
din lagenge daraḳht hone men
ek majbur ki hansi dekhi
farq kya rah gaya tha rone men
kuchh to hai qadr-e-mushtarak ‘ehsas’
un ko hansne men mere rone men
Leave a Reply