chahta huun tujhe nabi ki qasam
hazrat-e-murtaza-ali ki qasam
mujhe ghamgin na chhod rota aaj
tujhe apni hansi-khushi ki qasam
saaf kah baithiye na ji men jo ho
aap ko apni sadgi ki qasam
main dilai qasam to kahne lage
ham nahin mante kisi ki qasam
sadqa hota huun jis ghadi mujh ko
yaad aati hai us pari ki qasam
haae kahna vo us ka chupke se
tujhe ‘insha’ hamari ji ki qasam
Leave a Reply