poet

Chahiyen Mujhko Nahin Zarrin Qafas Ki Putliyan

chahiyen mujh ko nahin zarrin qafas ki putliyan

ashiyan janun jo hoven khar-o-khas ki putliyan

ho gaiin be-rang jab agle baras ki putliyan

khuun ro kar ham ne kiin rangin qafas ki putliyan

hai ye fauladi qafas mujh na-tavan ka kya karun

kis tarah todun nahin hain mere bas ki putliyan

kya khuda ki shaan hai aati hai jab fasl-e-bahar

sab hari ho jaati hain mere qafas ki putliyan

jab kabhi kunj-e-qafas men ki hai main ne ah-e-garm

mom ho kar bah gai hain pesh-o-pas ki putliyan

ghar qafas ko main samajhta huun asiri ko murad

janta huun apni aahon ko havas ki putliyan

patriyan mere qafas ki shakh-e-gul se kam nahin

loch ye dekha na dekhin aisi ras ki putliyan

gunjne lagta hai ye bhi jab fughan karta huun main

nasb hain mere qafas men kya jaras ki putliyan

dekhiye shauq-e-asiri men jakadne ke liye

ho gaiin resham ka lachha sab qafas ki putliyan

ro rahi hai dekh kar laila jo us ko ai ‘sharaf’

pasliyan majnun ki hain mere qafas ki putliyan

More Poems

Leave a Comment