Nazeer Akbarabadi
chaah men us ki dil ne hamare naam ko chhoda naam kiya
shaghl men us ke shauq badha kar kaam ko chhoda kaam kiya
zulf dupatta dhani main kar ke pinhan mira dil bandh liya
said na khave kyun-kar jal jab sabze men pinhan daam kiya
ram par apne ahu-e-dil ko ghurra nihayat tha lekin
chanchal ahu-e-chashm ne us ko ek nigah men raam kiya
samjhe the yuun ham dil ko laga kar pavenge yaan aram bahut
haif usi fahmid ne ham ko kya kya be-aram kiya
ham ne kaha jab naz-e-butan ke tum to bahut kaam aae ‘nazir’
sun ke kaha kya aae ji haan kuchh but ke muafiq kaam kiya
Leave a Reply