Chadar Ko Khinchte Hain Jagate Hain Raat Mein

chādar ko khīñchte haiñ jagāte haiñ raat meñ

be-chehra log mujh ko Darāte haiñ raat meñ

din-bhar ḳhamosh rahte haiñ jo tā.erān-e-dard

kamre meñ aa ke shor machāte haiñ raat meñ

darvāza band kar ke bhī sonā muhāl hai

kis raah se na jaane dar aate haiñ raat meñ

mujh se vo din meñ milte haiñ be-e’tinā.ī se

ḳhvāboñ meñ aa ke mujh ko jagāte haiñ raat meñ

Leave a Comment