Pandit Daya Shankar Naseem Lakhnavi
buton ki agar ḳhud-numa.i na dekhun
in ankhon se yarab ḳhuda.i na dekhun
mohabbat se kahta huun si rakkhun ankhen
palak se palak ki juda.i na dekhun
bhala main bura janta huun jo tum ko
bura.i hai apni bhala.i na dekhun
mira aks tak saaf mujh se nahin hai
main hairan huun kis munh se a.ina dekhun
‘nasim’ us chaman ke jo kanTon se uljhun
main us gul ki rangin-ada.i na dekhun
Leave a Reply