Hatim Ali Mehr
buton ka zikr kar vaaiz khuda ko kis ne dekha hai
sharar-e-sang muusa ke liye barq-e-tajalla hai
ye hindustan hai yaan par buton ka rose mela hai
khuda jaane vo but ai ‘mehr’ devi hai ki durga hai
tasavvur us sanam ka hai hamen kaabe se kya matlab
charagh apna hai dagh-e-dil hai jo mandir men jalta hai
juda hai ne.mat-e-duniya se lazzat bosa-e-lab ki
vo jogi ho gaya jis ne ye mohan bhog chakkha hai
bata jaaez hai kis mazhab men khun-e-be-gunah zalim
tu hindu hai musalman hai yahudi hai ki tarsa hai
kiya kafir ne kafir ‘mehr’ se mard-e-musalman ko
janeu rishta-e-tasbih dagh-e-sajda tiika hai
Leave a Reply