abdullateef-shauq

But Yahan Milte Nahin Hain Ya Khuda Milta Nahin

but yahan milte nahin hain ya khuda milta nahin

azm mustahkam to ho duniya men kya milta nahin

ham-safiran-e-junun yuun ham se aage badh gae

qafila kya hai ghubar-e-qafila milta nahin

apni surat dekhna ho apne dil men dekhiye

dil sa duniya men koi bhi aaina milta nahin

de diya hai aap ko dil ab hifazat kijiye

har khazane men ye laal-e-be-baha milta nahin

DhunDhta phirta hai mujh ko kyuun fareb-e-rang-o-bu

main vahan huun khud jahan apna pata milta nahin

More Poems

Leave a Comment