Poet
but-parasti se na tinat miri zinhar phiri
subh sau baar kharidi gai sau baar phiri
barha qahqahon men tu ne udaya hai use
shama roti tiri mahfil se hai sau baar phiri
chal basi fasl-e-khizan mausam-e-gul aa pahuncha
le mubarak ho hava bulbul-e-gulzar phiri
ek ja bhi nazar aai na asar ki surat
girti padti na kahan ah-e-dil-e-zar phiri
zulf-e-janan ke jo saude men hua sar-gashta
saae ki tarah mire saath shab-e-tar phiri
bhiik mangvai faqiron ki tarah shahon ko
aisi niyyat tiri ai charkh-e-sitam-gar phiri
ai ‘saba’ dekh liya ham ne usi tak sab the
phir gaya saara jahan jab nazar-e-yar phiri
Leave a Reply