Ravish Siddiqi
but-gar hai na koi but-shikan hai
sab vahm-o-guman-e-brahman hai
ye kaun sharik-e-anjuman hai
ankhon ko bhi hasrat-e-suḳhan hai
asan to hai ju-e-shir lekin
kuchh aur hi azm-e-kohkan hai
ai atish-e-dil adab hai lazim
mujh men bhi vo bu-e-pairahan hai
viran si ho chali hain rahen
rahbar hai na koi rahzan hai
e.ajaz-e-ghazal ki ḳhud ‘ravish’ se
vo jan-e-kalam ham-suḳhan hai
Leave a Reply