bulbul vo gul hai ḳhvab men tu ga ke mat jaga
ya chuTkiyon ki ghunchon se bajva ke gat jaga
vo gul-ezar baagh men aave jo rahm kar
kahte hain gul gulon se karen aaj rat-jaga
hamdam vo bazla-sanj to aate hi so raha
ḳhush-tab.iyon se bol ke baham jagat jaga
ta-sub.h shaam se rahe majlis men daur-e-jam
saaqi hamen jaga.e to ba-kaifiyat jaga
kaaTi hai bekali se shab-e-hijr-e-gul-ruḳhan
Tuk aankh lag ga.i hai saba ham ko mat jaga
hai mujh ko us ki nazuki-e-tab.a se lihaz
duun varna ankhen paanv se mal kar turat jaga
farhad-o-qais chhoḌ ga.e kishvar-e-junun
naubat par apni vaan ki dila saltanat jaga
Leave a Reply