sauda-mohammad-rafi

Bulbul Ne Jise Ja Ke Gulistan Mein Dekha

bulbul ne jise ja ke gulistan men dekha

ham ne use har khar-e-bayaban men dekha

raushan hai vo har ek sitare men zulekha

jis nuur ko tu ne sar-e-kanan men dekha

barham kare jamiyyat-e-kaunain jo pal men

latka vo tiri zulf-e-pareshan men dekha

vaaiz tu sune bole hai jis rose ki baten

us roz ko ham ne shab-e-hijran men dekha

ai zakhm-e-jigar suda-e-almas se khu kar

kitna vo maza tha jo namak-dan men dekha

‘sauda’ jo tira haal hai itna to nahin vo

kya janiye tu ne use kis aan men dekha

More Poems

Leave a Comment