buland hausle aali janab rakhte hain
ham apni palkon pe raushan se ḳhvab rakhte hain
hazimaton ka kahin bhi to indiraj nahin
har ik varaq na.i faT.hon ke baab rakhte hain
ham apni pyaas pe rakhte hain logo zabt-e-azim
pata hai ḳhvab ke sahra sarab rakhte hain
kabhi daraz na ham ne kiya hai dast-e-talab
ki fazl-e-rab pe yaqin be-hisab rakhte hain
ho aarzu jinhen auj-e-falak ko chhune ki
amal par apne kaḌa ehtisab rakhte hain
sitam na toḌ ra.i.yat pe vaqt ke hakim
ye apne pahlu men ik inqalab rakhte hain
main apne fe.al-o-amal par khari rahi ‘mina’
amal kasauTi pe ham be-hijab rakhte hain
Leave a Reply