Bu-E-Pairahan-E-Sada Aae

bū-e-pairāhan-e-sadā aa.e

khiḌkiyāñ khol do havā aa.e

manzileñ apne naam hoñ mansūb

apnī jānib bhī rāsta aa.e

jalte bujhte charāġh sā dil meñ

ārzūoñ kā silsila aa.e

ḳhāmushī lafz lafz phailī thī

be-zabānī meñ kuchh sunā aa.e

Duub kar un udaas āñkhoñ meñ

ik jahān-e-tarab luTā aa.e

dil meñ rah rah ke ik ḳhalish uTThe

be-sabab ik ḳhayāl sā aa.e

Leave a Comment