Ahmad Mushtaq
bhule-bisre mausamon ke darmiyan rahta huun main
ab jahan koi nahin vahan rahta huun main
din dhale karta huun budhi haddiyon se saz-baz
jab talak shab dhal nahin jaati javan rahta huun main
kya khabar un ko bhi aata ho kabhi mera khayal
kin malalon men huun kaisa huun kahan rahta huun main
jagmagate jagte shahron men rahta huun malul
soi soi bastiyon men shadman rahta huun main
bota rahta huun hava men gum-shuda naghmon ke biij
vo samajhte hain ki masruf-e-fughan rahta huun main
Leave a Reply