Bhul Pae Na Tujhe Aaj Bhi Rone Wale

bhuul paae na tujhe aaj bhi rone vaale

tu kahan hai miri ankhon ko bhigone vaale

ham kisi ghair ke ho jaaen ye mumkin hi nahin

aur tum to kabhi apne nahin hone vaale

sochte hain ki kahan ja ke talashen un ko

ham ko kuchh dost mile the kabhi khone vaale

ret ke jaisa hai ab to ye muqaddar mera

ḳhud bikhar jaenge ab mujh ko pirone vaale

dard aur ashk zamane men azal se hain vahi

sirf badle hain har ik daur men rone vaale

peḌ ko apna hi saaya nahin milta logo

fasl apni kabhi paate nahin bone vaale

dard ghairon ka bhala kaun uThata hai ‘sahab’

sab yahan ḳhud ki salibon ko hain dhone vaale

Leave a Comment