Bhikari

us ki banai hui har tasvir

aḳhbaron ki ḳhabar ban jaati hai

us ki har panting ko inamat lalchai hui nazron se dekhte hain

us ke brush se rangon ka rang khil jaata hai

vo qudarat ke har nazzare ko

apne rang aur brush se qaid kar leta hai

lekin

us ki biivi ki kokh men

koi tasvir nahin hoti

us ke brush se angan ki kilkariyan na-vaqif hain

shayad is musavvir se

kaenat ka sab se bada musavvir naraz hai

Leave a Comment