bhed duniya ke kholta huun main
sab sunen ab ki bolta huun main
asman ek jast-e-taza-dami
dhuup bhar par TaTolta huun main
harf-e-masraf hai lamha-e-guzran
sho.ala-e-kun TaTolta huun main
vus.at-e-vajd hai miri pahchan
rang har shai men gholta huun main
sad shafaq samt lamha-e-sayyal
biich men ḳhud ko taulta huun main
gauhar-e-ab-dar ho ke bhi ‘tur’
ḳhud ko miTTi men rolta huun main
Leave a Reply