Bhed Duniya Ke Kholta Hun Main

bhed duniyā ke kholtā huuñ maiñ

sab suneñ ab ki boltā huuñ maiñ

āsmāñ ek jast-e-tāza-damī

dhuup bhar par TaToltā huuñ maiñ

harf-e-masraf hai lamha-e-guzrāñ

sho.ala-e-kun TaToltā huuñ maiñ

vus.at-e-vajd hai mirī pahchān

rañg har shai meñ gholtā huuñ maiñ

sad shafaq samt lamha-e-sayyāl

biich meñ ḳhud ko taultā huuñ maiñ

gauhar-e-āb-dār ho ke bhī ‘tūr’

ḳhud ko miTTī meñ roltā huuñ maiñ

Leave a Comment