shahryar

Bhatak Gaya Ki Manzilon Ka Wo Suragh Pa Gaya

bhatak gaya ki manzilon ka vo suragh pa gaya

hamare vaste khala men rasta bana gaya

surahi dil ki ansuon ki os se bhari rahi

isi liye azab-e-hijr us ko raas aa gaya

sarab ka tilism tutna bahut bura hua

ki aaj tishnagi ka e’tibar bhi chala gaya

tamam umr khvab dekhne men munhamik raha

aur is tarah haqiqaton ko vahima bana gaya

More Poems

Leave a Comment