Bhara Kamal-E-Wafa Sen Khayal Ka Shisha

bhara kamal-e-vafa sen khayal ka shisha

ki hoe badr sen puura hilal ka shisha

vo khush-dahan ki judai sen narm gulshan men

har ek ghuncha hai rang-e-malal ka shisha

khayal-e-ariz-e-gul-rang ki tajalli sen

hai aaina araq-e-infial ka shisha

tamam bu-qalamuni ka hai tajalli-gah

nahin khudai men dil ki misal ka shisha

chaman men azim-e-holi hai vo basanti-posh

hua hai ghuncha-e-lala gulal ka shisha

khushi sen charkh men hai aftab ki manind

mila jise mai-e-nur-e-jamal ka shisha

nabi ki aal ka ahval sun hua pur-khun

‘siraj’ dil hai mira rang-e-al ka shisha

Leave a Comment