Poet
bhara ghar hai koi sahra nahin hai
yahan lekin koi apna nahin hai
ghazab hai ho gaya bargad bhi indhan
buzurgon ka kahin saaya nahin hai
musibat men bhi daman-e-sharafat
hamare haath se chhuTa nahin hai
tamasha.i huun yuun apne ghamon ka
ki jaise dard-o-gham dekha nahin hai
mohabbat ki kiran phuTi hai dil se
kitabon se use sikha nahin hai
yahi ehsas dil ko Das raha hai
tu mera ho ke bhi mera nahin hai
‘shahab’ ash.ar tere paḌh ke dekhe
haqiqat hai koi qissa nahin hai
Leave a Reply